जनपीठ-जनतेचे व्यासपीठ
Disclaimer : No Advice or information, whether oral or written obtained by you from maharashtracivilservice.org or through the service shall create any warranty/liability against or its members, owners, authors, agents, representative. The material contained on this site and on the associated web pages is general information and is not intended to be advice on any particular matter. Subscribers and readers should seek appropriate professional advice before acting on the basis of any information contained herein. Maharashtracivilservice.org, its members, owners, employees, agents, representatives and the authors expressly disclaim any and all liability to any person, whether a subscriber or not, in respect of anything and of the consequences of anything done or omitted to be done by any such person in reliance upon the contents of this site and associated web pages.
Question by Krushna sunil salunke
05-06-2025
krishnasalunkhe962@gmail.com
अनुसूचित जमातीना सरकारी जमीन मिळण्यासाठी अर्ज कोणाकडे करायचा व नमुना मिळण्यात यांवा
अर्ज जिल्हाधिकारी यांचेकडे करावा . सध्या कागदावर केला तरी चालेल . अर्जासाठी कोणताही विशिष्ट अर्जाचा नमुना दिलेला नाही.
Reply by श्री. किरण पानबुडे | उप जिल्हाधिकारी
Question by Nilkanth Kute
03-06-2025
nilkanth.kute007@gmail.com
रजिस्ट्री पूर्वी नजराना न भरता व जिल्हाधिकाऱ्यांची पूर्व परवानगी न घेता खरेदी केल्यामुळे कुळ कायद्याचा भंग म्हणून MRT आणि Highcourt ने खरेदी रद्द करून जमीन शासनजमा चा निकाल दिला आहे. तरी एखाद्या तरतुदी अन्वये नजराना भरून किंवा दंड भरून खरेदी नियमित करता येऊ शकते का?
मा उच्च न्यायालय व महसूल प्राधिकरणाने सखोल अभ्यास करून निर्णय दिल्यानंतर , अजून काही शिल्लक राहत नाही .
Reply by श्री. किरण पानबुडे | उप जिल्हाधिकारी
Question by p landage
02-06-2025
landagep24@gmail.com
नमस्कार साहेब,
माझ्या आजोबांनी 12 एकर शेत जमीन 1949 रोजी खरेदी केली.त्या खरेदी खतामध्ये विहिरीचा पण उल्लेख केला.
पण सातबारा च्या इतर हक्क मध्ये विहिरीचा उल्लेख नाही.
त्यानंतर ती शेत जमीन 1964 रोजी त्यांनी त्यांच्या एकुलत्या एक मुलाला म्हणजे माझ्या वडिलांना वाटणी करून दिली.पण वाटणी पत्रात विहिरीचा उल्लेख केला नाही.
त्यानंतर माझ्या वडिलांनी आम्हा दोन भावांमध्ये प्रत्येकी 6 एकर जमीन वाटणी करून दिली .पण त्यामध्ये पण विहिरीचा उल्लेख करण्यात आला नाही.विहिरी आमच्या दोघांच्या बांध्याच्या मधोमध आहे.
त्यानंतर मी 2005 साली 3 एकर जमीन विकली असून विकलेल्या क्षेत्रात विहीर गेली आहे.पण मी शेत विकताना खरेदी खतामध्ये त्याला विहिरीत हिस्सा दिला नाही. तर आता मला विहिरीची नोंद 7/12 सदरी इतर हक्क मध्ये लावायची आहे तर मग मी काय करावे.
500 शपथ पत्रावर भाऊ सहमती देत नाही.
भारतीय सुविधाधिकार अधिनियम १८८२ च्या कलम १३(ग) नुसार , हस्तांतरणाच्या विषय वस्तूतील सुविधाधीकार , हस्तांतार्कास त्याच्या अन्य स्थावर मालमत्तेच्या उपभोगासाठी आवश्यक असेल तर , तर अश्या सुविधाधीकारावर हस्तांतार्काचा हक्क असतो . सोप्या भाषेत , आपली विहीर ज्या जागेत आहे ती जागा जरी आपण विकली असेल तरीही आपला त्या विहिरीवर पाणी घेण्याचा हक्क अबाधित आहे . मात्र विहिरीची नोंद आपल्या जागेच्या अधिकार अभिलेखात होणार नाही .
Reply by श्री. किरण पानबुडे | उप जिल्हाधिकारी
Question by राजाराम शंकर गाराळे
01-06-2025
rajeshgarale9273@gmail.com
महोदय महसूल मंत्रीयांनी शेत रस्त्यासाठी दिलेल्या आदेशाची कारवाई तालुका पातळीवर कोणत्या अधिकाऱ्यामार्फत होणार
Question by d v landage
28-05-2025
dvlandage@gmail.com
1976 साली आजोबांचा मृत्यू झाल्यावर गट नंबर 750 ला वारस फेरफार नुसार 7/12 वर वडिलांचे नाव कब्जेदार सदरी आणि आत्याचे नाव इतर हक्क मध्ये लागले. त्यानंतर 1984 साली ती शेत जमीन वडिलांनी आत्याचे हक्क सोड न घेता विकली.
त्यानंतर मी तिचं विकलेली जमीन 1986 वर्षी खरेदी केली आहे.
तर अजून पण 7/12. च्या इतर हक्क मध्ये आत्याचे नाव आहे..तर आत्या ला त्या जमीन मध्ये तिचा हिस्सा द्यावा लागेल का?
कारण वडिलांनी तर ती जमीन विकली होती.मी माझ्या पैशाने खरेदी केली आहे ना.
आत्याच्या हक्कासह ( हक्क अबाधित ठेवून ) ती जमीन आपल्या पिताश्रींनी विकली होती . मुळातच आत्याचा मिळकतीत हक्क आहे . त्यामुळे आत्याला हिस्सा द्यावाच लागेल
Reply by श्री. किरण पानबुडे | उप जिल्हाधिकारी
Question by Mahesh Ghadage
28-05-2025
mghadage383@gmail.com
माझे राहते घर गट नंबर 539 मधे आहे जमीन खरेदी करताना माझ्या दस्ता मध्ये पूर्व पश्चिम रोड आहे त्याच गटा मध्ये माझ्या घराच्या पश्चिमेला एक शेतकऱ्याने जमीन खरेदी केली त्या मध्ये पूर्व पश्चिम 10*180 फूट रस्त्या मधून येण्या जाण्याच्या हक्क सहित नोंद केली आहे तर तो व्यक्ती आता आम्हाला त्या रोड ने येण्या ज्यापासून अडवत आहे तो बोलत आहे माझा स्वतःचा रोड आहे रोड च्या मधून अंडर ground गटार घेऊन जायचे आहे तर ते आम्हाला अडवत आहे तरी या वर काय करावे .
Question by Yogesh Doltade
25-05-2025
yogeshdoltade@gmail.com
महोदय माझ्या वडीलांचे नावे वडीलार्जित समाईक घरजागा होती. परंतु वडील व चुलते यांनी आपले आपले दिशा दाखवून वाटप केले आहे. वडील निरक्षर असल्याने केव्हाही अचानक त्या जागेची खरेदी केली जाऊ शकते. हा सर्व प्रकार थांबवण्यासाठी उपाय?
Question by Sayyad Akhtar
20-05-2025
sayyedakhtar53130@gmail.com
भोगवाटदार वर्ग -2 ची जमीन विनापरवानगी खरेदी केली आहे. शर्तभंग झाला असेल तर त्याला किती अनर्जित रक्कम भरावी लागेल आणि वर्ग एक करण्यासाठी आणखी रक्कम भरावी लागेल का?
वर्ग एक झाल्यावर लगेच विक्री करता येईल का?
जमीन शेती कारासाठीची असेल तर वार्षिक बाजार मूल्याच्या ५०% व जमीन बिगर शेती वापराखाली असेल तर ७५ % अनर्जित रक्कम भरावी लागेल
Reply by श्री. किरण पानबुडे | उप जिल्हाधिकारी
Question by d v landage
20-05-2025
dvlandage@gmail.com
नमस्कार सर
अन्य गट नंबर मध्ये एक विहीर असून त्यामध्ये माझा 6 आणे आणि बाकीच्या दोन शेतकऱ्यांचा प्रत्येकी 5 आणे हिस्सा आहे. विहिरीमध्ये गाळ जास्त जमा झाला असून तो गाळ मला बाहेर काढायचा आहे.पण बाकीचे दोन शेतकरी मला गाळ काढू देत नाहीत ..तर मी आता काय करावे?
Question by संदीप व्ही.मोरे
19-05-2025
moresandip1982@gmail.com
सलोखा योजने अंतर्गत एकाच गटातील जमिनींची अदला बदल होऊ शकते का ?
Question by Jagadevi
10-05-2025
jagadevi6758@gmail.com
अपर विभागीय आयुक्तानी पुर्ननिरिक्षण प्रकरणात स्वत: दिलेल्या आदेशाला, पुर्नविलोकनात बदलण्यासाठी किंवा कायम ठेवण्यासाठी या दोन्ही करिता राज्य शासनाच्या परवानगीची घेण्याची आवश्यकता असते का नाही याबाबत माहिती द्यावी. सदर मंजुरी सर्व सुनावणी झाल्यावर घ्यावी लागते का आधीच घ्यावी लागते. याबाबत माहिती द्यावी.
महसूल संहितेच्या कलम २५८ अन्वये , जिल्हाधिकारी / जमाबंदी आयुक्त यांचेसह त्यांच्यापेक्षा दुय्यम महसूल / भूमापन अधिकार यांना स्वताचे किंवा त्यांच्या पुर्वाधीकार्याचे आदेश , लेखनप्रमाद चुकीच्याशिवाय अन्य कारणांसाठी ( नवीन पुरावा समोर येणे /सकृत दर्शनी दिसणारी चूक /किंवा इतर सबल कारण ) पुनर्विलोकन करता येऊ शकतात व त्यासाठी त्यांना त्यांच्या लगतच्या ज्येष्ठ अधिकारी यांची परवानगी आवश्यक आहे . आयुक्त यांना अश्या परवानगीची आवश्यकता नाही .
Reply by श्री. किरण पानबुडे | उप जिल्हाधिकारी
Question by बाळू येडबा माने
05-05-2025
balumane1988@gmail.com
चुलत पंजोबाला जमीन मिळाली आहे एकत्र कुठुंब पध्दत असताना तरी त्यावर ए.कु.मे.लावलेले नाही तरी ती जमीन त्याच्या भावाला मिळू शकते का?मिळत असल्यास g.r. अथवा परिपत्रक पाठवा.
आपणाला न्यायालयात सिद्ध करावे लागेल कि , एकत्र कुटुंबाची / हिंदू सहदायकी जमीन याचे वाटप न होता , केवळ चुलत पणजोबा यांना वाटपाने केली आहे . अश्या मिळकतीत त्यांच्या भावाचा म्हणजे आपल्या पणजोबांचा व पर्यायाने त्यांच्या वारसांचा हा हक्क आहे . त्यासाठी आपणाला दिवाणी दावा दाखल करावा लागेल
Reply by श्री. किरण पानबुडे | उप जिल्हाधिकारी
Question by Sayyad Akhtar
03-05-2025
sayyedakhtar53130@gmail.com
सर माझा प्रश्न असा आहे की एका गटात दोन शेतकरी ची जमीन आहे एका शेतकरी ची जमीन हायवे लगत असल्याने त्याच्या जमिनीचे शासकीय बाजारमूल्य 900 रुपये चौ.मी. आहे. पण दुसऱ्या शेतकऱ्याची जमीन हायवे लगत नसताना देखील त्याला तेच बाजारभाव लागत आहे.तरी खरेदी खत करुन घ्यायचे आहे valuation कमी करता येईल का?
जमिंनीचे बाजारमूल्य तक्ते दरवर्षी , मा नोंदणी महानिरीक्षक यांचेकडून प्रसिध्द केले जातात . त्याच्याच आधारे मुद्रांक जिल्हाधिकारी / दुय्यम निबंधक यांचेकडून दस्तऐवज नमूद मिळकतीचे / जमिनीचे मुल्यांकन केले जाते. त्याच्याशिवाय अन्य बाजारभाव विचारात घेता येत नाहीत .
Reply by श्री. किरण पानबुडे | उप जिल्हाधिकारी
Question by अर्णव राजपूत
03-05-2025
mmmrajbtc@gmqil.com
आमच्या वडिलांनी 1994 मध्ये गावाला जमीन घेतली जमिनीच्या पश्चिमेला नदी आहे व पूर्वेला कोड आहे सदर जमीन ही दोन एकर 27 गुंठे सातबारावर आहे ही जमीन घेऊन आम्हाला तर तीस वर्षापेक्षा जास्त कालावधी झाला आमचा शेताचा सर्वे नंबर चार आहे तर पूर्वेला वड्याच्या पलीकडे असणाऱ्या शेतकऱ्याचा पाच आहे त्याने शेत मोजणी केली असता त्याच्या मोजणी मध्ये आमच्या शेतामध्ये मोजणी अधिकाऱ्यांनी काही गुंठे जमीन दाखवली आहे. गट नंबर पाचच्या शेतकऱ्याने देखील 1990 मध्ये ती जमीन दुसऱ्या व्यक्तीकडून विकत घेतली होती आणि 1995 मध्ये त्याच्यानंतर दुसऱ्याची जमीन गट चार विकत घेतली ज्यावेळेस वडिलांनी जमीन विकत घेतली त्यावेळेस त्यांनी कोणतीही हरकत किंवा दावा आमच्या जमिनीमध्ये केला नव्हता मात्र जमीन मोजणी नंतर केला आहे या विरोधात आम्ही कोर्टामध्ये दिवाणी न्यायालयामध्ये गेलो आहे मात्र सदरचा शेतकरी आपल्या समाज बांधवांना घेऊन बळाचा वापर करून ताबा सोडण्यास सांगतो कृपया मार्गदर्शन करावे
आपणाला दिवाणी दावा दाखल करून संबंधित व्यक्तीने आपल्या वहिवाटीला अडथळा करू नये म्हणून,मनाई हुकूम, प्राप्त करून घ्यावा लागेल . मात्र भू-मापनामध्ये त्या व्यक्तीची जमीन आपल्या ताब्यात असल्याचे दिसून आले आहे . त्यामुळे दावा दाखल करून कितपत उपयोग होईल हे सांगता येऊ शकत नाही . न्यायालय ही भू-मापन विभागाने केलेल्या मोजणीचा आधार घेते .
Reply by श्री. किरण पानबुडे | उप जिल्हाधिकारी
Question by वाल्मिक सुरसे
29-04-2025
sursevalmik@gmail.com
सर, जर दोन गावातील शिव मध्ये नाला असेल, सदरील नाला हा जमिनी अंतर्गत केला असेल तर त्या जागेवर रस्ता बनवू शकता का आणि जर रस्ता करायचा असेल तर कोणाची परवानगी घ्यावी लागते कृपया मार्गदर्शन करावे.
Question by Sayyad Akhtar
28-04-2025
sayyedakhtar53130@gmail.com
एका माजी सैनिकास 1960 मध्ये 12 एकर वर्ग दोन ची जमीन मिळाली ती जमीन त्याने 1990 मध्ये A व्यक्ती ला 4 एकर,B व्यक्ती ला 4 एकर,C व्यक्ती ला 4 एकर दुय्यम निबंधक कार्यालयातून प्रत्येकाला वेगवेगळे 4-4 एकर चे खरेदीखत करुन दिले. आज 7/12 वर त्यांचे नाव लावायचे असल्यास काय करावे लागेल. माजी सैनिक मयत झाले आहेत व A व्यक्ती ही मयत झाले आहेत. कृपया मागदर्शन करावे.
मुळात जी विक्री करण्यात आलेली आहे त्यास जिल्हाधिकारी यांची विक्रीपरवानगी घेण्यात आली आहे का ? आपणाला हो जो व्यवहार झालेला आहे तो आता नियामानुकुल करून घेणे आहे . प्रथम आपण जिल्हाधिकारी यांची परवानगी घ्या . आपणास परवानगी, मिळाल्यानंतर जरी विक्रेते व अ मयत असले तरी , अ च्या वारसांची व ब , क यांचे नाव दाखल होऊ शकते
Reply by श्री. किरण पानबुडे | उप जिल्हाधिकारी
Question by SUHAS HARISHCHANDRA JUVEKAR
22-04-2025
Suhasjuvekar856@gmail.com
नमस्कार सर माझी रत्नागिरी मध्ये माझ्या वडिलांच्या नावाने जागा आहे आहे पण सदर जागेच्या सातबारा मध्ये माज्या काका आणि आत्या च्या नावा व्यतिरिक्त देखील इतर कुटुंबाची नावे आहे. तर मी माज्या बाबांच्या नावावरील जागा वेगळी कशी करून घेऊ शकतो व स्वतंत्र सातबारा होऊ शकतो का या बद्दल मार्गदर्शन
होय आपण करून घेयू शकता . मात्र ७/१२ स्वतंत्र करताना , तुकडे बंदी कायद्याचा भंग होता कामा नये . मुंबईचा जमिनीचे तुकडे पाडण्यास प्रतिबंध करण्याबाबात व त्यांचे एकत्रीकरण करण्याबाबत अधिनियम, १९४७ नुसार प्रमाणभूत क्षेत्र निच्छित करण्यात आले आहे. या प्रमाणभूत क्षेत्रापेक्षा कमी क्षेत्र वाटपामुळे निर्माण होता कामा नये . एकूण क्षेत्राचे आपल्या कुटुंबातील काका , आत्या व वडील म्हमजेच आपल्या आजोबांचे जे लगत वारस असतील त्यांच्यामध्ये वाटप केल्यामुळे जे क्षेत्र निर्माण होईल ते प्रमाणभूत क्षेत्रापेक्षा कमी असता कामा नये
Reply by श्री. किरण पानबुडे | उप जिल्हाधिकारी
Question by Shraddha deshmukh
20-04-2025
shd74325@gmail.com
सर, मला ग्रामपंचायत हद्दीत एका गट नंबर मध्ये 3 गुंठे शेतजमीन खरेदी करायची आहे.तो गट नंबर एकूण 40 गुंठे आहे. ज्या व्यक्तीकडून मी 3 गुंठे जागा खरेदी करणार आहे त्यांची एकूण 11 गुंठे जागा आहे. आनि बाकीची जागा ही इतर व्यक्तींची आहे. 40 गुंठे शेतजमिनीत जाण्यायेण्याचा 8 फुट
रस्ता आहे. ज्या व्यक्तीकडून मी 3 गुंठे जागा खरेदी करणार आहे ते मला 8 फुट रस्ता जाणेयेणे हक्क्सहीत खरेदी खत करवून देणार आहेत. माझा असा प्रश्न आहे की ही 3 गुंठे शेतजमीन मला खरेदी करता येईल का ? आनि खरेदी करून बिनशेती करता येईल का ?
आपल्या प्रश्नावरून आपली जी प्रस्तावित जागा आपणाला खरेदी करावयाची आहे आणि गावठाणात आहे की ग्रामपंचायत हद्दीमध्ये भूमापन क्रमांकाची आहे याचा बोध होत नाही. जर खरेदी करावयाची प्रस्तावित जागा ही गावठाण हद्दीत असेल तर त्याला मुंबईचा जमिनीचे तुकडे पाडण्यास प्रतिबंध करण्याबाबात व त्यांचे एकत्रीकरण करण्याबाबत अधिनियम, १९४७ या तरतुदींचा कोणतीही बाधा येणार नाही. मात्र जर खरेदी करावयाची जागा ही भूमापन क्रमांकाचा भाग असेल तर निश्चितच त्या क्षेत्राचा जमीन वापर विभाग म्हणजे झोन कोणता आहे ते तपासणे आवश्यक आहे. जर त्याचा झोन बिगर शेती असेल तर , त्यास उपरोक्त अधिनियमाचा कोणताही परिणाम होणार नाही . मात्त्र वरील पैकी दोनीही बाबी मध्ये ख्सेत्र नसेल तर , मुंबईचा जमिनीचे तुकडे पाडण्यास प्रतिबंध करण्याबाबात व त्यांचे एकत्रीकरण करण्याबाबत अधिनियम, १९४७ तरतुदीनुसार , खरेदी करावयाचे क्षेत्र प्रमाणभूत क्षेत्रापेक्षा कमी असल्याने , आशया जमिनीचे खरेदीखत नोंदले जाऊ शकणार नाही .
Reply by श्री. किरण पानबुडे | उप जिल्हाधिकारी
Question by D LANDAGE
17-04-2025
dvlandage@gmail.com
नमस्कार सर
माझ्या शेताचा वहिवाटीचा शेत रस्ता अडवला असून मी चुकून म.ज.म.अ.1966 कलम 143 नुसार रस्ता साठी अर्ज केला असून माझा अर्ज नामंजूर केला असा निकाल दिला आहे.तर मी परत मामलेदार कोर्ट ॲक्ट1906 कलम 5 नुसार अर्ज करू शकतो का?
महाराष्ट्र जमीन महसूल अधिनियम कलम १४३ नुसार बांधावरून शेतीसाठी रस्ता मागण्याचा अधिकार आहे. तर मामलेदार कोर्ट अधिनियम 1905 नुसार, जर परंपरागत रस्ता अडवलेला असेल तरच आपणाला कलम पाच खाली अर्ज करता येऊ शकतो. आपण आपला रस्ता हा परंपरागत रस्ता होता का त्याचा पूर्वी वापर आपणाकडून केला जात होता का व तो संबंधितांनी अडवलेला आहे का याचा विचार करून आपण अर्ज करू शकता.
Reply by श्री. किरण पानबुडे | उप जिल्हाधिकारी
Question by Dr Arjun Dagaduji Bharad
15-04-2025
n_abharad@rediffmail.com
What is the significance of potkharab area on 7/12 extract
पोट खराब आहे दोन प्रकारचे आहे. पहिल्या प्रकाराचा पोट खराबा म्हणजे ज्यामध्ये तो लागवडीखाली आणता येऊ शकत नाही. जसे की कातळ दगड आहे अत्यंत अनुपादक जमीन आहे. तर दुसऱ्या प्रकारचा पोट खराब म्हणजे जो लागवडीखाली आणता येऊ शकतो.
Reply by श्री. किरण पानबुडे | उप जिल्हाधिकारी
Question by D LANDAGE
10-04-2025
dvlandage@gmail.com
नमस्कार सर
माझ्या आजोबांनी 1948 साली 10 एकर जमीन खरेदी केली खरेदी खतामध्ये विहिरीचा पण उल्लेख केला.त्यानंतर वडिलांनी माझ्या मोठ्या भावाला 5 एकर आणि मला 5 एकर जमीन वाटणी करून दिली. पण वाटणी पत्रात विहिरीचा उल्लेख केला नाही.विहीर ही आम्हा दोघांच्या मधील बांधावर आहे.त्यानंतर मी 5 एकर पैकी 3 एकर क्षेत्र विकले आणि विहीर विकलेल्या क्षेत्रात गेली पण मी त्याला विहिरी मध्ये हिस्सा लिहून दिला नाही.पण
आता मला माझा भाऊ आणि विकलेल्या जमिनीचा मालक विहिरीतले पाणी वापरू देत नाही.तर मी आता काय करावे...
आपणास दोघेही विरोध करू शकत नाही . आपण माम्लेतदार कोर्ट अधिनियमाच्या कलम ५ (१) ( ब) खाली दावा तहसीलदार यांचेकडे करू शकता .
Reply by श्री. किरण पानबुडे | उप जिल्हाधिकारी
Question by Jayesh Nair
04-04-2025
jayeshkumarnair29@gmail.com
नमस्कार सर, आम्ही सरकारी मोजणी केली असता त्यामध्ये असे समजले कि लगतच्या शेतकऱ्याने आमच्या जमिनीवर अतिक्रमण केलेले आहे. सदर अतिक्रमण काढून आमच्या जमिनीचा ताबा कसा मिळवावा याबाबत मार्गदर्शन करावे, ही विनंती.
आपण आपल्या मिळकतीची मोजणी केलेली आहे . त्यानुसार असे दिसून आले आहे कि, शेजार्याने आपल्या मिळकतीत अतिक्रमण केले आहे. आपण, मा. जिल्हाधिकारी यांचेकडे, महसूल संहितेच्या कलम १३८(२) अन्वये अर्ज करावा. जिल्हाधिकारी चौकशी करून अश्या अतिक्रमनदारास संक्षिप्तरित्या काढून टाकतील .
Reply by श्री. किरण पानबुडे | उप जिल्हाधिकारी
Question by Swaraj
27-03-2025
sagarkandekar@hotmail.com
नवीन शर्त जमीन चे नोंदणीकृत बिन कब्जाचे साठेखत करून जमीन किमित हि २० लाख ठरली त्यापैकी १४ लाख आम्ही विकणाऱ्याला चेक द्वारे आम्ही साठेखताच्या दिवशी दिली मात्र त्याने सदर चेक लोकल सहकारी बँक मध्ये क्लिअर केला जी बँक राष्ट्रीयकृत नाही आहे.सदर साठेखता नंतर आम्हाला ३ महिन्यांनी जिलाधिकारी याची खरेदी साठी ऑर्डर दिली मात्र त्यात त्यांनी असे नमूद केली आहे की विकणाऱ्याचा राष्ट्रीयकृत खात्या वर च पैसे जमा झाल्याचे प्रमाणपत्र जोडून च सब रजिस्टर ने दस्त नोंदवावा मात्र सब रजिस्टर दस्त नोंदवत नाही आहे कारण पैसे राष्ट्रियकृत बँक मध्ये पैसे जमा नाही केला. कृपया मार्गदर्शन करावे.
सदर जमीन विकणारा व्यक्ती आत्ता आम्हाला दिलेले पैसे परत नाही देवू शकता.
जिल्हाधिकारी यांच्या आदेशानुसार आपण खरेदी केलेल्या जमिनीचे पैसे राष्ट्रीयकृत बँकेत जमा केली की सहकारी बँकेत जमा केली हे तपासण्याचा अधिकार सहनिबंधक यांना नाही. भारतीय नोंदणी कायदा 1908 च्या कलम 35 अन्वये, जर विक्रेता मयत असेल, दस्त निष्पादित केल्याचा तो नाकारत असेल तरच केवळ सहनिबंधक दस्ताची नोंदणी करणे नाकारू शकतात. अन्य कारणासाठी दुय्यम निबंधक दस्त नोंदणी नाकारू शकत नाहीत. दुय्यम निबंधक यांना दस्त नोंदणी नाकारल्याबाबतचे पत्र देणे बाबत सांगा. जर दुय्यम निबंधक दस्त नोंदणी नाकारल्या बाबतचे पत्रही देत नाही व दस्त ही नोंदवत नाहीत तर आपण, नोंदणी महानिरीक्षक यांच्या संकेतस्थळावर तक्रार दाखल करा.
Reply by श्री. किरण पानबुडे | उप जिल्हाधिकारी
Question by Jagadevi
27-03-2025
jagadevi6758@gmail.com
वर्ग 2 शेतजमीनवर (खिदमत ईनाम) मयत वडीलांचे नाव आहे. सदर जमीनीवर वारसाचे नाव लावण्यासाठी तहसीलदार यांना अर्ज केला होता त्यानंतर 2021 मध्ये तलाठी यांनी वारसाचे नाव 7/12 ला लावले. तदनंतर आमच्या बहिणीनी हक्क सोडून पत्र दिले त्याची नोंद घेण्यासाठी फेरफार तलाठी यांनी तयार केला. परंतु नंतर काही दिवसांनी अचानक तलाठी यांनी पूर्वी वारसाचा घेतलेला फेरफार रद्द करून परत मयत वडिलांचे नाव 7/12 वर आणले. व आम्हाला तूमच्या कडे विरासत आहे असे विचारले व ती आणा असे म्हटले. मुळात तहसीलदार यांनी आम्ही कागदपत्रे सोबत दिलेला अर्ज नीट न वाचता तलाठी यांना दिला व तलाठी यांनी फेरफार घेतला व मंडळ अधिकारी यांनी मंजूर केला व नंतर फेरफार रद्द केला. हे सर्व अनाकलनीय आहे. आपणास विनंती करण्यात येते कि विरासत काय असते व ती कशाप्रकारे मिळवावी लागते. जमीन मौजे वझुर ता. पुर्णा जि. परभणी सर्व्हे न. 387
एकदा फेरफार मंजूर झाल्यानंतर तलाठी काय किंवा मंडळ अधिकारी काय यांना तो रद्द करता येत नाही. केवळ आणि केवळ उपविभागीय अधिकारी यांना मंजूर फेरफार रद्द करण्याचा अधिकार आहे. याबाबत आपण आपल्या उपविभागीय अधिकारी यांच्याकडे महसूल संहितेच्या कलम २४७ अन्वये अपील दाखल करा.
विरासत म्हणजे , वारसा -हक्क होय .
Reply by श्री. किरण पानबुडे | उप जिल्हाधिकारी
Question by Pravin Halkare
26-03-2025
pravinhalkare@gmail.com
अपर विभागीय आयुक्तांनी दिलेल्या रिव्हिजन (पुर्ननिरिक्षण) निकालास पूर्नविलोकनात ते स्वतः दिलेल्या आदेशाला अंतरिम स्थगिती देऊ शकतात का? त्यासाठी त्यांना राज्य शासनाची परवानगी घ्यावी लागते का? याबाबत कृपया खुलासा करावा.
महसूल संहितेच्या कलम२५६ अन्वय ज्या महसूल अधिकाऱ्याने कोणताही आदेश दिला असेल त्या अधिकाऱ्यास किंवा त्या पदावर येणाऱ्या उत्तराधिकाऱ्यास अपिलासाठी विहित करण्यात आलेल्या मुदतीच्या आत कोणत्याही वेळी, त्यास योग्य वाटेल त्या मुदतीपर्यंत, अशा आदेशाची अंमलबजावणी स्थगित करण्याबद्दल निर्देश देता येतात. मात्र मुक्त आदेशाविरुद्ध कोणतीही अपील केलेले असता कामा नये.
तसेच महसूल संहितेच्या कलम२५६ (३) अन्वय, पुनरिक्षण करणाऱ्या धिकारांचा वापर करणाऱ्या प्राधिकार्यास, यथास्थिती पुनरिक्षण करण्यात येणाऱ्या आदेशांची अंमलबजावणी त्याला योग्य वाटेल अशा मुदतीपर्यंत स्थगिती करण्याबाबत निर्देश देता येऊ शकतात.
त्यामुळे आपल्या प्रकरणांमध्ये अप्पर आयुक्तांचे आदेश योग्य आहेत . त्यासाठी शासन परवानगीची आवश्यकता नाही .
Reply by श्री. किरण पानबुडे | उप जिल्हाधिकारी
Top 25 Active Officer
| श्री. किरण पानबुडे | 3380 |
| कुंडेटकर संजय नरेंद्र | 566 |
| डुबेपाटील श्रीधर बाबुराव | 131 |
| व्ही. आर. थोरवे | 102 |
| शशिकांत सुबराव जाधव | 97 |
| MCS Maharashtra | 67 |
| श्रीमती.लीना फाळके | 62 |
| मगर विनायक सुधीर | 60 |
| डॉ.मोहसिन युसूफ शेख | 54 |
| श्री.चंद्रकांत आर. जाजू | 34 |
| विकास खरात | 15 |
| कामराज बसवंन्ना चौधरी | 11 |
| राजेश जे वझीरे | 10 |
| श्री.पी.एम. गड्डम | 10 |
| डॉ.जयकृष्ण फड | 7 |
| श्रीधर गालीपेल्ली | 6 |
| श्री.मोहन टिकले | 6 |
| रामदास के कोळगने | 6 |
| श्री. महेश शेवाळे | 4 |
| MCS Officer | 3 |